Velkomin/n á síðuna hjá Center!

Center er hugbúnaðarfyrirtæki sem sérhæfir sig í verkferla- og verkefnastýringu í hugbúnaðargerð, ásamt því að taka að sér þróunarverkefni í Mobile, Asp.net og C#.

Við erum Agile

Við þróun ferla og hugbúnaðar leggjum við Agile hugmyndafræði til grundvallar þeirri vinnu sem við tökum þátt í. Með hjálp Agile hugmyndafræðilíkana eins og exTreme Programming (XP), Scrum og Lean Development, getum við hjálpað til við að skila verkefnum á réttum tíma og sjá til þess að hámarka virði útkomunnar.

Golf80.com

Okkar megin-þróunarverkefni er Golf80.com - Social Scoring Network, netbundið samfélag fyrir kylfinga. Golf80 lausin er svo á bakvið Golfsumarid.is, stærsta golfmót á Íslandi 2011 og 2012.

Verkferlar í hugbúnaðargerð

Of margir ganga að því sem gefnu að skipulagning hugbúnaðarverkefna sé skot í myrkri, hugbúnaðarverkefni séu aldrei afhent á réttum tíma og sjaldnast í samræmi við væntingar þeirra sem báðu um verkið. Skilningur á hugbúnaðarferlinu og rétt uppsetning á því, skiptir hér sköpum. Með skilvirku hugbúnaðarferli og réttri notkun á því, aukast líkurnar á árangursríkri hugbúnaðarþróun.

Center rýnir hugbúnaðarferli fyrirtækja og kemur með tillögur að úrbótum þar sem það á við. Center tekur líka að sér að skipuleggja hugbúnaðarferli fyrir fyrirtæki, á þann hátt sem hentar í hverju tilfelli.

Verkefnastýring

Undirstaða árangursríkrar verkefnastjórnunar í hugbúnaðargerð er djúp þekking á verkefninu og innviðum þess, ásamt skilningi á því hvað gerir teymið árangursríkt. Skilvirk og fumlaus stjórnun á uppsetningu og eftirfylgni verkþátta er svo lykilatriði þegar kemur að því að afhenda verkefni á réttum tíma og í samræmi við væntingar viðskiptavina.

Lykilatriði í Agile hugmyndafræðunum er að teymið í heild sjái sjálft um að stjórna því verkefni sem það er ábyrgt fyrir. Það er ekki hlutverk verkefnastjóra að "reka" verkefnið áfram, hvatinn að árangri á að koma innan frá. Center aðstoðar viðskiptavini sína við verkefnastjórnun, bæði með því að styðja við einstök teymi sem eru óörugg í uppsetningu og rekstri verkefna, og með almennri fræðslu sem koma teymum af stað í skilvirkri verkefnastjórnun.

Hugbúnaðarþróun

Center tekur að sér hugbúnaðarþróun fyrir viðskiptavini. Við erum með sérþekkingu á Asp.net og C# þróun, ásamt því að þróa fyrir allar tegundir þráðlausra tækja (t.d. farsíma). Minni lausnir eru unnar innan fyrirtækisins, en stærri lausnir eru unnar af forriturum erlendis, þar sem við höfum íslenskan verkefnastjóra á staðnum sem vinnur með verkefnastjóra sem staddur er hérlendis.

Hugmyndafræði

Eftirfarandi tenglar veita innsýn í hugmyndafræði Center.

Um Center

Center er stofnað af Geir Sigurði Jónssyni (geir[-at-]center.is). Geir er Viðskiptafræðingur (Bsc) og Tölvunarfræðingur (M.Sc.) frá Háskóla Íslands. Geir hefur starfað síðan 1997 við stjórnun hugbúnaðarteyma, verkefnastjórnun og forritun hjá fyrirtækjum eins og Nýherja, Dímon Software, Landmati, Teamware Oy, Medcare og Landsbankanum.

Hjá þessum fyrirtækjum hefur hann stjórnað verkefnum sem ná frá því að vera nokkra daga vinna, upp í verkefni sem tók 8 mannár.

Meistararannsókn Geirs, skoðaði áhrif ferlainnleiðingar á gæði hugbúnaðar.